Sri Bagalamukhi Kavacham – శ్రీ బగళాముఖీ కవచం
అస్య శ్రీబగళాముఖీవర్ణకవచస్య శ్రీపరమేశ్వరఋషిః అనుష్టుప్ ఛందః శ్రీబగలాముఖీ దేవతా ఓం బీజం హ్లీం శక్తిః స్వాహా కీలకం బగళాప్రసాద సిద్ధ్యర్థే జపే వినియోగః |
ధ్యానమ్ |
జిహ్వాగ్రమాదాయ కరేణ దేవీం
వామేన శత్రూన్ పరిపీడయంతీమ్ |
గదాభిఘాతేన చ దక్షిణేన
పీతాంబరాఢ్యాం ద్విభుజాం నమామి ||
కవచమ్ |
ప్రణవో మే శిరః పాతు లలాటే హ్లీం సదాఽవతు |
బకారో భ్రూయుగం పాతు గకారః పాతు లోచనే || 1 ||
లకారః పాతు మే జిహ్వాం ముకారం పాతు మే శ్రుతిమ్ |
ఖికారం పాతు మే తాలు సకారం చిబుకం తథా || 2 ||
వకారః పాతు మే కంఠం స్కంధౌ పాతు దకారకః |
బాహూ ష్టకారకః పాతు కరౌ పాతు నకారకః || 3 ||
స్తనౌ వకారకః పాతు చకారో హృదయం మమ |
మకారః పాతు మే నాభౌ ఖకారో జఠరం మమ || 4 ||
కుక్షిం పకారకః పాతు దకారః పాతు మే కటిమ్ |
స్తకారో జఘనం పాతు భకారః పాతు మే గుదమ్ || 5 ||
గుహ్యం యకారకః పాతు జకారోఽవతు జానునీ |
ఊరూ హ్వకారకః పాతు గుల్ఫౌ పాతు కకారకః || 6 ||
పాదౌ లకారకః పాతు యకారో స్ఛితి సర్వదా |
బుకారః పాతు రోమాణి ధికారస్తు త్వచం తథా || 7 ||
వికారః పాతు సర్వాంగే నకారః పాతు సర్వదా |
ప్రాచ్యాం శకారకః పాతు దక్షిణాశ్యాం యకారకః || 8 ||
వారుణీం హ్లీం సదా పాతు కౌబేర్యాం ప్రణవేన తు |
భూమౌ స్వకారకః పాతు హకారోర్ధ్వం సదాఽవతు || 9 ||
బ్రహ్మాస్త్రదేవతా పాతు సర్వాంగే సర్వసంధిషు |
ఇతి తే కథితం దేవి దివ్యమక్షరపంజరమ్ || 10 ||
ఆయురారోగ్య సిద్ధ్యర్థం మహదైశ్వర్యదాయకమ్ |
లిఖిత్వా తాడపత్రే తు కంఠే బాహౌ చ ధారయేత్ || 11 ||
దేవాసురపిశాచేభ్యో భయం తస్య న హి క్వచిత్ |
కర్మణేన సందర్శో త్రిషులోకేషు సిద్ధ్యతే || 12 ||
మహాభయే రాజే తు శతవారం పఠేద్యహమ్ |
గృహే రణే వివాదే చ సర్వాపత్తి విముచ్యతే || 13 ||
ఏతత్కవచమజ్ఞాత్వా యో బ్రహ్మాస్త్రముపాసతే |
న తస్య సిద్ధ్యతే మంత్రః కల్పకోటిశతైరపి || 14 ||
ఇతి శ్రీ ఈశ్వరపార్వతిసంవాదే బగళావర్ణకవచం సంపూర్ణమ్ |
